‘એનિમલ’ રૂપિયા 300 કરોડનો આંકડો પાર કરવા માટે તૈયાર....

રણબીર કપૂરની ફિલ્મ ‘એનિમલ’ સિનેમાઘરોમાં એટલી સારી કમાણી કરી રહી છે કે બોક્સ ઓફિસનું કદ નાનું થવા લાગ્યું છે. ‘એનિમલ’, જે પહેલા દિવસથી જ તેજીથી કમાણી કરી રહી છે, તેણે પહેલા વીકએન્ડમાં જ દેશમાં 200 કરોડ રૂપિયાનું નેટ કલેક્શન કર્યું. ‘જવાન’ પછી રણબીરની ‘એનિમલ’ માત્ર 3 દિવસમાં 200 કરોડનો આંકડો પાર કરનારી બીજી બોલિવૂડ ફિલ્મ છે.

શાનદાર વીકએન્ડ પછી, ફિલ્મે કામકાજના દિવસોમાં પણ તેની તાકાત જાળવી રાખી છે. ‘એનિમલ’ના પ્રથમ સોમવારે રૂ. 44 કરોડનું નેટ કલેક્શન થયું અને આ ઉત્તમ કમાણીથી વેપાર નિષ્ણાતોને પણ આશ્ચર્ય થયું. હવે મંગળવારના બોક્સ ઓફિસના અહેવાલો આવવા લાગ્યા છે જે દર્શાવે છે કે ‘એનિમલ’નો ક્રેઝ પાંચમા દિવસે પણ જોરદાર રહ્યો હતો. કામકાજનો દિવસ હોવા છતાં શોમાં ભારે ભીડ જોવા મળી હતી. ‘એનિમલ’ એ પાંચમા દિવસે ભારતમાં 38 કરોડ રૂપિયાથી વધુનું કલેક્શન કર્યું. અને તેની કમાણી હવે 283 કરોડ રૂપિયાની આસપાસ પહોંચી ગઈ છે.
આ કલેક્શન સાથે ‘એનિમલ’ એ રણબીર કપૂરની ગયા વર્ષની ફિલ્મ ‘બ્રહ્માસ્ત્ર’ને પાછળ છોડી દીધું છે. આલિયા ભટ્ટ સાથે લગ્ન પછી રણબીરની પહેલી ફિલ્મ ‘બ્રહ્માસ્ત્ર’એ ભારતમાં 257 કરોડ રૂપિયાનું નેટ કલેક્શન કર્યું હતું. હવે ‘એનિમલ’એ ‘બ્રહ્માસ્ત્ર’ને માત્ર 5 દિવસની કમાણીમાં પાછળ છોડી દીધી છે અને તે રણબીરના કરિયરની બીજી સૌથી મોટી ફિલ્મ બની ગઈ છે. તેની કારકિર્દીની અત્યાર સુધીની સૌથી વધુ નફો કરતી ફિલ્મ રાજકુમાર હિરાનીની ‘સંજુ’ છે, જેણે 342 કરોડ રૂપિયાની કમાણી કરી હતી.‘એનિમલ’ આજે રૂ. 300 કરોડનો આકંડો પાર કરશે