ઓમર અબ્દુલ્લા આજે મુખ્યમંત્રી પદના શપથ લેશે ....

ચૂંટાયેલી સરકારને શપથ લેવાની મંજૂરી આપવા માટે રાષ્ટ્રપતિ શાસનની ઘોષણાને પણ રદ કરવાની જરૂર છે.નેશનલ કોન્ફરન્સ લેજિસ્લેટર પાર્ટીના નેતા ઓમર અબ્દુલ્લાએ રાજભવન ખાતે એલજી મનોજ સિન્હા સાથે મુલાકાત કરી હતી અને સરકાર બનાવવાનો દાવો કર્યો હતો. જમ્મુ-કાશ્મીરમાં નવી સરકારની રચના પહેલા રાષ્ટ્રપતિ શાસન હટાવવાનો આદેશ રવિવારે મોડી રાત્રે જારી કરવામાં આવ્યો હતો. ગૃહ મંત્રાલયે કહ્યું કે રાષ્ટ્રપતિ મુર્મુએ નવા મુખ્યમંત્રીના શપથ પહેલા તરત જ રાષ્ટ્રપતિ શાસન સમાપ્ત કરવાનો આદેશ જારી કર્યો છે. 2 બેઠકો પરથી ચૂંટણી જીતનાર ઓમર આજે મુખ્યમંત્રી પદના શપથ લઈ શકે છે.
જમ્મુ-કાશ્મીરમાં છેલ્લી વિધાનસભા ચૂંટણી 10 વર્ષ પહેલા 2014માં યોજાઈ હતી. ચૂંટણી બાદ ભાજપ-પીડીપીએ ગઠબંધન સરકાર બનાવી. 2018 માં, ભાજપે સમર્થન પાછું ખેંચ્યું અને મહેબૂબા મુફ્તીએ મુખ્યમંત્રી પદ પરથી રાજીનામું આપ્યા પછી સરકાર પડી ગઈ હતી. ત્યારથી જમ્મુ-કાશ્મીરમાં કેન્દ્રીય શાસન હતું.

નેશનલ કોન્ફરન્સના ઉપાધ્યક્ષ ઓમર અબ્દુલ્લા આજે મુખ્યમંત્રી પદના શપથ લઈ શકે છે. વિધાનસભા ચૂંટણીમાં, નેશનલ કોન્ફરન્સ (NC) એ 42 બેઠકો જીતી, તેના સહયોગી કોંગ્રેસે 6 બેઠકો અને CPI(M) એ એક બેઠક જીતી. પરિણામો બાદ એનસી ચીફ ફારૂક અબ્દુલ્લાએ કહ્યું હતું કે ઓમર સીએમ બનશે.