બોલિવૂડ એક્ટર સુશાંત સિંહ રાજપૂતના નિધનને આજે ત્રણ વર્ષ પૂર્ણ .....

બોલિવૂડ એક્ટર સુશાંત સિંહ રાજપૂતના નિધનને આજે ત્રણ વર્ષ પૂર્ણ થયા છે. આજે તેની પુણ્યતિથિના અવસર પર લોકો સુશાંતને તેની ફિલ્મો, જૂના ફોટોગ્રાફ્સ અને વીડિયો દ્વારા યાદ કરતા જોવા મળ્યા. હાલમાં જ તેની કથિત ગર્લફ્રેન્ડ રિયા ચક્રવર્તીએ પણ અભિનેતાને યાદ કર્યો છે. રિયાએ સુશાંત સાથેનો એક અનસીન વીડિયો શેર કર્યો છે. આ વીડિયોમાં તે સુશાંત સાથે રોમેન્ટિક પળો વિતાવતી જોવા મળી રહી છે. આ વીડિયો શેર કરતી વખતે તેણે એક ગીત દ્વારા પોતાની લાગણી વ્યક્ત કરી છે.

રિયા ચક્રવર્તીએ તેના ઈન્સ્ટાગ્રામ એકાઉન્ટ પર એક વીડિયો શેર કર્યો છે. આ વીડિયોમાં રિયા અને સુશાંત વેકેશન પર જોવા મળી રહ્યા છે. આ વેકેશન દરમિયાન બંને એક ખડક પર બેસીને ફોટોશૂટ કરાવી રહ્યાં છે. વીડિયોમાં સુશાંત આગળ બેઠો છે અને રિયા પાછળ સુશાંતને ગળે લગાવીને પોઝ આપી રહી છે. આ વીડિયોમાં સુશાંતનો હસતો ચહેરો ચાહકોને ભાવુક બનાવી રહ્યો છે. એવું લાગે છે કે તે આ વેકેશન ખૂબ એન્જોય કરી રહ્યો હતો. જે સોશિયલ મીડિયા પર વાયરલ થઈ રહ્યો છે.