વર્લ્ડ કપની ઓપનિંગ મૅચ માટે અમદાવાદનું સ્ટેડિયમ ‘રેડી ટુ ગો’

અમદાવાદમાં ક્રિકેટવિશ્વનું સૌથી મોટું નરેન્દ્ર મોદી સ્ટેડિયમ વર્લ્ડ કપની ઓપનિંગ મૅચ માટે રેડી ટુ ગોની પોઝિશનમાં આવી ગયું છે. પાંચમી ઑક્ટોબરે વિશ્વકપનો પ્રારંભ થઈ રહ્યો છે અને એની પહેલી મૅચ ઇંગ્લૅન્ડ અને ન્યુ ઝીલૅન્ડ વચ્ચે આ સ્ટેડિયમમાં રમાશે. ૧૪ ઑક્ટોબરની ભારત-પાકિસ્તાન વચ્ચેની મૅચ અને બીજી અમુક ટીમ સાથે પણ અહીં મૅચ રમાવાની હોવાથી શહેરમાં વર્લ્ડ કપનો ભરપૂર માહોલ ક્રીએટ થયો છે. સ્ટેડિયમમાં તૈયારીઓને આખરી ઓપ અપાઈ રહ્યો છે. ઓપનિંગ મૅચ પહેલાં નાની ઇવેન્ટ થવાની છે. સ્ટેડિયમમાં રમાનારી દરેક મૅચમાં સવારે ૧૧ વાગ્યાથી પ્રેક્ષકોને પ્રવેશ આપવામાં આવશે.