30 ડિસેમ્બરથી 02 જાન્યુઆરી 2024 સુધી દેશમાં બદલાશે હવામાન...

IMDના વેધર બુલેટિન અનુસાર, આગામી 3-4 દિવસ દરમિયાન ઉત્તર પશ્ચિમ ભારતમાં ગાઢથી ખૂબ ગાઢ ધુમ્મસ છવાઈ શકે છે. ભારતીય હવામાન વિભાગ એ દેશના ઉત્તર-પશ્ચિમ ભાગમાં ગાઢ ધુમ્મસની ચેતવણી જારી કરી છે.પંજાબ, હરિયાણા, ચંદીગઢ અને દિલ્હીમાં 29 ડિસેમ્બર સુધી ખૂબ ગાઢ ધુમ્મસ રહેશે. હવામાન વિભાગે રાજસ્થાન, ઉત્તર-પશ્ચિમ મધ્ય પ્રદેશમાં 29 ડિસેમ્બરની સવારે અને આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં 31 ડિસેમ્બરની સવાર સુધી ગાઢ ધુમ્મસની આગાહી પણ કરી છે.30 ડિસેમ્બરથી ભારતના ઉત્તર-પશ્ચિમ વિસ્તારમાં ગાઢ ધુમ્મસ અને ધ્રૂજાવતી શીત લહેરો ઉપરાંત, વરસાદની શરૂઆત થવાની સંભાવના પણ છે. 31 ડિસેમ્બર 2023 થી 2 જાન્યુઆરી 2024 દરમિયાન તાજા વેસ્ટર્ન ડિસ્ટર્બન્સના પ્રભાવ હેઠળ, જમ્મુ અને કાશ્મીર, લદ્દાખ, ગિલગિટ, બાલ્ટિસ્તાન મુઝફ્ફરાબાદ, હિમાચલ પ્રદેશ, ઉત્તરાખંડ, ઉત્તર પ્રદેશ, પૂર્વ રાજસ્થાન, મધ્યપ્રદેશ, છત્તીસગઢ, વિદર્ભમાં હળવા છૂટાછવાયા વરસાદની શક્યતા છે. IMD એ પણ 30 અને 31 ડિસેમ્બરે તમિલનાડુમાં ભારે વરસાદની આગાહી કરી છે.