દિલ્હીના ઈન્ટરનેશનલ એરપોર્ટના ટર્મિનલ-1ની છત ધરાશાયી....

દિલ્હીના ઈન્દિરા ગાંધી ઈન્ટરનેશનલ એરપોર્ટ પરથી મોટા સમાચાર આવ્યા છે. અહીં, ટર્મિનલ 1ની બહાર લોખંડના પિલર્સના ટેકાવાળી છત અચાનક તૂટી પડી છે. અકસ્માતમાં છતને ટેકો આપવા માટે વપરાતું ભારે લોખંડ ટર્મિનલની બહાર પાર્ક કરાયેલા અનેક ખાનગી વાહનો અને ટેક્સીઓ પર પડ્યું હતું.

આ અકસ્માતમાં અત્યાર સુધીમાં ત્રણ લોકો ઘાયલ થયા છે અને એક વ્યક્તિનું મોત થયું છે. ત્રણેય ઘાયલોને સારવાર માટે નજીકની હોસ્પિટલમાં દાખલ કરવામાં આવ્યા છે. તે જ સમયે, સીઆઈએસએફ, દિલ્હી પોલીસ અને ફાયર વિભાગના જવાનો ઘટનાસ્થળે રાહત અને બચાવ કાર્યમાં લાગેલા છે.શુક્રવારે વહેલી સવારે હવામાનમાં અચાનક પલટો આવ્યો અને ભારે પવન સાથે વરસાદ શરૂ થયો છે. નોઈડા, દિલ્હી અને આસપાસના વિસ્તારોમાં એક કલાકથી વધુ સમય સુધી ભારે વરસાદ પડ્યો હતો. આ વરસાદે ગરમીમાંથી રાહત અપાવી હતી તો અનેક જગ્યાએ રસ્તાઓ પર પાણી ભરાઈ ગયા હતા. જેના કારણે દિલ્હી-એનસીઆરમાં સવારથી વાહનોના પૈડા થંભી ગયા હતા. તેજ પવનને કારણે અનેક વૃક્ષો તૂટ્યા હોવાની પણ માહિતી છે.